मुख्य निर्वाचन अधिकृतको कार्यालय बाजुरामा बसेको बैठकले मतपेटिका मतगणनास्थलमा पुगेपछि बेलुकी ७ बजेबाट मतगणना गर्ने गरी सहमति गरेको हो ।
बाजुरा — बाजुराका १ सय १८ मतदान केन्द्र र एक अस्थायी मतदान केन्द्रको मतपेटिका जिल्लामा आइपुगेपछि शुक्रबार बसेको सर्वदलीय बैठकले बेलुकी ७ बजेबाट मतगणना गर्ने निर्णय गरेको छ ।
मुख्य निर्वाचन अधिकृतको कार्यालय बाजुरामा बसेको बैठकले मतपेटिका गणनास्थलमा पुगेपछि बेलुकी ७ बजेबाट मतगणना गर्ने गरी सहमति गरेको हो ।
हिमाली जिल्लाका रुपमा रहेको बाजुरामा चार मतदान केन्द्रका नेपाली सेनाको हेलिकप्टरमा मतपेटिका ल्याइएको भएपनि हिमाली गाउँपालिका १२ मा रहेको ठूलाकोट आधारभूत विद्यालय कोट मतदान केन्द्रको मतपेटिका दिउँसो ३ बजे मात्र मतगणनास्थलमा पुगेकाले बेलुकी ७ बजेबाट बत गणना कार्य सुरु गरिने मुख्य निर्वाचन अधिकृत सञ्जीव पोखरेलले जानकारी दिएका छन् ।
बिहीबार सम्पन्न भएको मतदानपछि दुर्गम तथा सडक पहुँच नपुगेका मतदान केन्द्रमा ढिलो गरी मतपेटिका पुगेकाले आज बेलुकीबाट मतगणना गर्ने गरी सहमती भएको मुख्य निर्वाचन अधिकृत पोखरेलले बताए ।
यहाँका ७७ मतदान स्थलको १ सय १८ मतदान केन्द्र र एक अस्थायी मतदान केन्द्र थिए ।
यहाँका ८७ हजार ८६१ मतदाता मध्ये ४५ हजार ३९० मत खसेको थियो । कुल मतदातासंख्याको ५१ दशमलव ६६ प्रतिशत हो । एक मात्र निर्वाचन क्षेत्र रहेको बाजुरामा सात राजनीतिक दल र एक स्वतन्त्र गरी आठ जना उम्मेदवार रहेका छन् ।
