मेयर हुँदा गरेको विकास निर्माणको कामलाई हेरेर जनताले मत दिने उनको भनाइ छ ।
चितवन — चितवन क्षेत्र नम्बर ३ मा नेकपा उम्मेदवार रेनु दाहालले उम्मेदवारी दर्ता गराएकी छिन् । दाहालले रामपुरस्थित कृषि तथा वन विश्वविद्यालयमा रहेको निवार्चन अधिकृतको कार्यालयमा पुगेर उम्मेदवारी दर्ता गराएकी हुन् ।
उमेदवारी दिनअघि दाहालले मंगलबार बिहानै भरतपुर महानगरपालिकाको मेयरबाट राजीनामा दिएकी थिइन् । उम्मेदवारी दर्तापछि उनले प्रतिक्रिया दिँदै चुनावी मैदानमा प्रतिस्पर्धी नभएको बताइन् ।
'जनताले भरतपुरकी छोरीले काम गर्छे भनेर मत दिन्छन् । दुई पटक मत दिएर जिताइसके क्षेत्र नम्बर ३ बाट पनि जिताउँछन्,' उनले भनिन् । मेयर हुँदा गरेको विकास निर्माणको कामलाई हेरेर जनताले मत दिने उनको भनाइ छ ।
