डा. फिरदोस पूर्वमन्त्री मोहम्मद आफताब आलमका छोरा हुन्
रौतहट — रौतहट-२ का कांग्रेसबाट डा. फिरदोस आलमले उम्मेदवारी दर्ता गराएका छन् । फागुन २१ गते हुन लागेको प्रतिनिधसभा निर्वाचनको पूर्वमन्त्री एवं कांग्रेस नेता मोहम्माद आफताब आलमका छोरासमेत रहेका डा.फिरदोसले उम्मेदवारी दर्ता गराएका हुन् ।
काग्रेसले डा.फिरदोसलाई उम्मेदवार बनाएको हो । अघिल्लो निर्वाचनमा आलम नेकपा एमालेका किरण साहसित पराजित भएका थिए । साहले एमाले छाडेर यसपटक नेपाली कम्युनिस्ट पार्टीबाट उम्मेदवारी दर्ता गराएका छन् ।
कांग्रेसले भने यस पटक पनि डा. फिरदोसलाई टिकट दिएको हो । उनका बुवा मोहम्मद आफताब आलमको तीन महिनाअघि मृत्यु भइसकेको छ । अघिल्लो निर्वाचनका बेला बुवा आफताब राजपुर बम विस्फोट घटनामा नख्खु कारागारमा थिए ।
