काठमाडौँ — सामाजिक सञ्जाल र पर्यटन क्षेत्रमा सक्रिय 'सोलो ट्राभलर' सिर्जना ओलीले रास्वपाको समानुपातिक बन्दसूचीबाट आफ्नो नाम फिर्ता लिएकी छन् ।

 काठमाडौंका मेयर बालेन्द्र शाहको टिमको सिफारिसमा रास्वपाको बन्दसूचीमा समेटिएकी ओलीले आफू अहिले नै सक्रिय राजनीतिमा नआउने प्रस्ट पार्दै उम्मेदवारी फिर्ता लिइसकेको जनाएकी छन् । कान्तिपुरसँग कुरा गर्दै उनले भनिन, 'मैले बालेन्द्र शाहको टिमसँग सल्लाह गरेर नै उम्मेदवारी फिर्ता लिएकी हुँ । आफ्नो क्षेत्रमा नै काम गर्नका लागि राजनीतिमा नआउने निर्णय गरेकी हुँ ।'

लामो समयदेखि देशका विकट क्षेत्रहरूको भ्रमण गरी पर्यटन प्रवर्द्धनमा लागेकी ओलीले सामाजिक सञ्जालमार्फत आफ्नो निर्णय सार्वजनिक गरेकी हुन् । उनले आफ्नो नाम फिर्ता लिनुको मुख्य कारण पर्यटन क्षेत्रकै काममा केन्द्रित हुनु रहेको बताएकी छन् ।