गोरखा-२ मा नारायणकाजी श्रेष्ठको नाम सिफारिस, दुवै क्षेत्रबाट ५-५ जनाको नाम केन्द्रमा पठाइयो
गोरखा — नेकपा, गोरखाले आगामी फागुन २१ गते हुने प्रतिनिधिसभा सदस्य निर्वाचनका लागि क्षेत्र नम्बर १ मा पुष्पकमल दाहालको नाम सिफारिस गरेको छ ।
बुधबारको कार्यालय बैठकले निर्णय गरेर बिहीबार नाम केन्द्रीय समितिमा सिफारिस गरिएको नेकपाका केन्द्रीय सदस्य अमर तमुले बताए ।
गोरखा क्षेत्र नम्बर-१ मा पुष्पकमल दाहालसहित हरिराज अधिकारी, जगन्नाथ खनाल, शोभा लामिछाने र सागर श्रेष्ठको नाम सिफारिस भएको छ । दाहाल यसअघिको २०७९ को निर्वाचनमा गोरखा क्षेत्र नम्बर २ बाट विजयी भएका थिए ।
त्यस्तै क्षेत्र नम्बर २ बाट नारायणकाजी श्रेष्ठ, लेखनाथ न्यौपाने, हितराज पाण्डे, सानुमाया बस्नेत र अनिष अर्यालको नाम सिफारिस गरिएको तमुले बताए । ‘दुवै क्षेत्रबाट ५/५ जनाको नाम सिफारिस गरेका छौं,’ तमुले भने ।
