काठमाडौँ — बिहान झन्डै १० बजेदेखि सुरु भएको एमाले महाधिवेशनको मतदानमा राति साढे ११ बजेसम्म १ हजार ४ सय ३० मत खसेको छ ।

निर्वाचन प्राविधिक लक्ष्मण रिमालका अनुसार यसै गतिमा मतदान हुने हो भने बिहीबार बिहान ६ बजेसम्म मतदान सम्पन्न हुने अनुमान छ । एक जनाले केन्द्रीय सदस्य ३ सय १ र दुई आयोगका ३१ गरी ३ सय ३२ जनालाई  मतदान गर्नुपर्ने भएकाले पनि समय लागेको उनले बताए ।

मतदानका लागि ८० वटा विद्युतीय मेसिन राखिएका छन्। महाधिवेशनमा देशभरबाट आएका २ हजार २ सय ६३ प्रतिनिधिले मतदान गर्दैछन्। एमालेले राति १० बजेसम्म मतदान सक्ने बताए पनि यही रफ्तारमा मतदान जारी रहे तोकिएको समयमै सकिनेमा शंका छ।