केन्द्रीय सदस्यसमेत रहेकी नेतृ प्रतिमा गौतमले नियमित महाधिवेशन नहुने भएपछि विशेष महाधिवेशन नै हुनुपर्ने बताइन्।
काठमाडौँ — नेपाली कांग्रेसको विशेष महाधिवेशनपक्षधर महिलाहरुले आज काठमाडौंमा भेला गरेका छन् ।
निर्वाचन अगाडि महाधिवेशन गर्ने कि नगर्ने भन्नेबारेमा केन्द्रीय कार्यसमितिमा चर्को विवाद चलिरहेका बेला विशेष महाधिवेशनका लागि दबाव दिने उद्देश्यले भेला गरिएको हो ।
केन्द्रीय सदस्यसमेत रहेकी नेतृ प्रतिमा गौतमले नियमित महाधिवेशन नहुने भएपछि विशेष महाधिवेशननै हुनुपर्ने बताइन्।
पार्टीको नीति र नेतृत्व परिवर्तन नगरी निर्वाचनमा जान नसकिने भन्दै गौतमले त्यसका लागि पार्टीभित्र नेताहरुलाई दबाव दिन भेला राखिएको बताइन् । भेलामा महाधिवेशन प्रतिनिधिहरुसहित महिला अगुवाहरुको सहभागिता छ ।
