यस्तै, वैज्ञानिक समाजवादी पार्टीले माइतीघरमा प्रदर्शन गरेको छ । सहभागीहरुले फासीवादी सरकार मुर्दावाद, पीडित परिवारलाई क्षतिपूर्ति दे, ट्राफिक आतंक बन्द गर, बालेन सरकारको हातमा रगत छ लेखिएका प्लेकार्डसमेत प्रदर्शन गरेका थिए ।

त्रिपुरेश्वरस्थित राहदानी विभागअगाडि बिहीबार पेट्रोल छर्केर आत्मदाहको प्रयास गरेका मुगुका गणेश नेपालीको शुक्रबार वीर अस्पतालको बर्न सेन्टरमा उपचार क्रममा मृत्यु भएको थियो ।

भक्तपुरमा डेरा गरी श्रीमती र छोरीसँग बस्दै आएका गणेश राइड सेयरिङ एपमार्फत राइडरको काम गर्थे । आफूले रोकिराखेको मोटरसाइकलमा महानगर प्रहरीले ह्विल लक गरेर लैजाने प्रयास गरेपछि शुक्रबार दिउँसो उनले आत्मदाहको प्रयास गरेका थिए ।