यस बस्तीमा ७ सय ७७ घरटहरा छन् । शनिबार बेलुका डोजर लगाउने क्रममा यहाँ स्थानीयले अवरोध गरेका थिए । झडप हुँदा प्रहरी वृत्त, थिमिका प्रमुख डीएसपी नवराज ढुंगानासहित १४ जना घाइते पनि भए  । कागेश्वरी मनोहरा–८ र ९ मा ९० घरपरिवार अव्यवस्थित बसोबासी रहेको तथ्यांक छ ।

मनोहरामा बिहानैदेखि भक्तपुरबाट खटिएका एक हजार ३ सय नेपाल प्रहरी र ६ सय सशस्त्र प्रहरी परिचालन गरिएको जिल्ला प्रहरी परिसरका प्रमुख एवं प्रहरी उपरीक्षक सूर्यबहादुर खड्काले जानकारी दिए ।