नयाँ बसपार्कबाट आइतबार मात्र ४ सय ८० वटा माइक्रो र यात्रुवाहक बस बाहिरिएका छन् । आइतबार र सोमबार सवारी चापले नागढुंगा–नौबिसे र बीपी राजमार्गमा घण्टौं ट्राफिक जाम भएको थियो । काठमाडौं उपत्यका ट्राफिक प्रहरी कार्यालयका अनुसार फागुन १० देखि १७ गतेसम्म आठ दिनमा उपत्यकाबाट ३ लाख ५३ हजार ४६ यात्रु बाहिरिएका छन् ।

उपत्यका छाड्नेहरुको भीड जडीबुटी क्षेत्रमा पनि देखिएको छ। विशेषगरि पूर्वी क्षेत्रका मतदाताहरू जडीबुटी क्षेत्र हुँदै गन्तव्य जाने गर्दछन्। जिप, मिनिबस, माइक्रो र यात्रुबस रिजर्भ गरेर जाने धेरै छन्। यले मंगलबार बिहानै जडीबुटी क्षेत्रमा ट्राफिक जाम देखिएको छ।