स्थानीय धार्मिक तथा सांस्कृतिक परम्पराको संरक्षण गर्दै आएको यो महोत्सव २९ वर्षदेखि निरन्तर रूपमा सञ्चालन हुँदै आएको छ ।
सिन्धुपाल्चोक — अगाडि बाजागाजा, पछाडि ध्वजा–पताका र पवित्र मन्त्रले सजिएको कलात्मक रथ अनि ‘जय–जयकार’को गुञ्जन । बाह्रबिसे नगरपालिकास्थित पलाँतीको श्री विष्णु मन्दिर परिसरमा आइतबार देखिएको दुश्य हो यो । जहाँ भगवान् रंगनाथको तस्बिर एवं मूर्तिलाई बेहुला र देवी गोदाम्मालाई बेहुली बनाएर सजाएर विवाह गरियो । भगवान् रंगनाथ र गोदाम्माको विवाहमा हजारौं भक्तजन जन्ती गए, रथ परिक्रमा गर्दै महोत्सवमा सहभागी भए ।
‘धनुर्मास अवधिभर दैनिक बिहान–बेलुका भगवान्लाई दाल–चामल पकाएर चढाइने परम्परा छ, नियमित पूजा–अर्चनासहित धार्मिक विधि सम्पन्न गरिन्छ,’ पौडेलले भने । महोत्सवअन्तर्गत विष्णु मन्दिरबाट सुरु भएको रथ परिक्रमा सुनकोशी महादेव मन्दिर, बाह्रबिसे बजार, खोर्सानीवारी, खाग्दल, ठूली पलाँती र क्षमादेवी मन्दिर हुँदै पुनः विष्णु मन्दिर प्राङ्गणमा पुगेर समापन भएको थियो । स्थानीय धार्मिक तथा सांस्कृतिक परम्पराको संरक्षण गर्दै आएको यो महोत्सव २९ वर्षदेखि निरन्तर रूपमा सञ्चालन हुँदै आएको छ ।
