भोलि शुक्रबारदेखि भने समानुपातिक तर्फको मतपत्र छपाइ सुरु हुनेछ । सेतो कागजमा कालो रङको चिह्न मतपत्रमा राखिनेछ । समानुपातिकतर्फ चुनावी प्रतिस्पर्धामा भाग लिने दलको संख्या टुंगिइसकेको छ । ५८ दलले आयोगमा उम्मेदवारको बन्दसूची बुझाएका छन् । तीनै ५८ दलको निर्वाचन चिह्न राखेर मतपत्र तयार हुने आयोगका प्रवक्ता नारायणप्रसाद भट्टराईले बताए ।

यसपटक १ करोड ८९ लाख ३ हजार ६ सय ८९ मतदाता छन् । मतदाताको संख्याभन्दा करिब १० प्रतिशत बढी अर्थात् सरदर २ करोड मतपत्र छापिने आयोगले जनाएको छ । उच्च सुरक्षा व्यवस्था मिलाएर जनक शिक्षा सामग्री केन्द्रको प्रेसमा मतपत्र छपाइको तयारी गरिएको छ । मतपत्र छापिनुपूर्व प्रेसको परीक्षण भइसकेको छ ।

समानुपातिकतर्फको मतपत्र देशैभर एकै आकारका हुनेछन् । माघ ६ मा प्रत्यक्षतर्फको उम्मेदवारी मनोनयनको कार्य टुंगिएपछि निर्वाचन क्षेत्रअनुसार उम्मेदवार संख्याका आधारमा प्रत्यक्षतर्फको मतपत्र छपाइ सुरु हुनेछ ।