काठमाडौँ — भेनेजुएलामा भएको अमेरिकी हमलाविरुद्ध काठमाडौंको माइतीघर मण्डलमा मंगलबार प्रदर्शन गरिएको छ । केन्द्रीय संयुक्त संघर्ष समिति र प्रगतिशील रुपान्तरण आन्दोलनले आज दिउँसो प्रदर्शन गरेका हुन् । उक्त संघर्ष समितिमा नेपाली कम्युनिस्ट पार्टी, नेकपा (बहुमत), वैज्ञानिक समाजवादी कम्युनिस्ट पार्टी, नेकपा जनपक्ष र समाजवादी कम्युनिस्ट पार्टी सम्मिलित छन् । उनीहरुले 'भेनेजुएलाको सार्वभौमिकताको रक्षाका लागि–संघर्ष गरौं', 'अमेरिकी साम्राज्यवाद मुर्दावाद'लगायतका नारा लेखिएका प्लेकार्डसहित प्रदर्शनमा उत्रेका थिए ।