साढे १५ मिटर अग्लो चौमुखे गेटमा ५ क्विन्टल तौल भएको फाइबरको सुनौलो रंगको मूर्ति राखिएको हो । प्रसिद्ध साहित्यकार भवानी भिक्षुका नाममा राखिएको चोक दक्षिणबाट तिलौराकोटको प्रवेश द्वार मानिन्छ भने उत्तरबाट सदरमुकाम तौलिहवाको प्रवेश द्वारका रूपमा रहेको छ ।

कपिलवस्तु नगरपालिकाद्वारा करिब ८० लाख रुपैयाँ लागतमा उक्त गेट बनाइएको नगर प्रमुख सुदीप पौडेलले बताए । गेटलाई प्राचीन नगरको ऐतिहासिकता मात्रै नभएर बौद्ध धर्मावलम्बीहरूको पहिचानका रूपमा स्थापित गरिएको उनले बताए । गेट निर्माणसँगै नगरको स्वरूप नै सुन्दर देखिएको छ ।