आइतबार भरतपुर-माडी-ठोरी हुलाकी सडकखण्डमा उनीहरू यसरी आलु गोडिरहेको अवस्थामा भेटिए । १ बिगाहा खेत भाडामा लिएर वीरेन्द्रले आलु लगाएका छन् ।  ‘कुटो, कोदालोले भन्दा यसरी गोड्दा छिटो हुन्छ,’ वीरेन्द्रले भने,‘आज जसरी पनि सक्नु छ ।’ 

धर्मेन्द्र र गुड्डु भने ज्यालामा काम गर्न आएका हुन् । उनीहरूले १५ सय पारिश्रमिक पाउने बताए । बिहान ९ बजेदेखि आलु गोड्न व्यस्त उनीहरू घाम टाउकोमाथि आइपुग्दासम्म पसिनाले भिजिसकेका थिए ।