प्रवर्द्धन केन्द्रका अध्यक्ष राई, सदस्य वीरबहादुर राई, साल्पा पोखरी विकास समितिका अध्यक्ष वीरकुमार राई, भ्लगर करिना राई र पवन राईको टोलीले पदमार्गको नक्सा निर्माण, जीपीएसमार्फत डेटा संकलन, उक्त पदमार्ग क्षेत्रमा रहेका पर्यटकीय आकर्षणहरूको भिडियो, फोटो तथा जानकारीसहित अध्ययन गरेको हो ।

‘खुवालुङदेखि चोमोलुङ्मासम्म ग्रेटर मुन्दम ट्रेलको तीन वटा खण्डमा विकास गरेका छौं’ राईले भने–‘यसमध्ये अपर मुन्दुम ट्रेलमा छेस्कामदेखि सगरमाथा आधार शिविरसम्म, तावा भन्ज्याङदेखि साल्पा सिलिचुङ हुादै बुङसम्म मुन्दुम ट्रेल र लोअर मुन्दुम ट्रेलअन्तर्गत चतरादेखि तावा भञ्ज्याङसम्म लोअर मुन्दुम ट्रेलको रूपमा विकास गरेका छौं ।’

लोअर मुन्दुम ट्रेलअन्तर्गत सप्तकोशीको चतरादेखि ऐतिहासिक बाटो, अक्करको भिर, खुवालुङ उपत्यका, हतुवागढी, किराती प्राग्ऐतिहासिक थलो गोलमे पहरा, नाग छाँगा, पामाखामगढी, हाबीराङडाँडा, कपासे भन्ज्याङ,सेलमेडाँडा, तावा भन्ज्याङसम्मको ट्रेललाई मानिन्छ ।