तौलिहवाका अतिरिक्त जीतपुर, इमिलिया, चन्द्रौटा र कृष्णनगरमा पनि बिहानैदेखि प्रदर्शन भइरहेको छ ।
कपिलवस्तु — मंगलबार कपिलवस्तुमा पनि युवाले प्रदर्शन गरेका छन् ।
सदरमुकाम तौलिहवास्थित प्रशासन कार्यालयअघि मंगलबार बिहान ११ बजेदेखि नाराबाजी गर्दै टायर बालेर बाटो अवरुद्ध गरेका थिए । प्रधानमन्त्री केपी शर्मा ओली सरकारविरुद्ध प्रदर्शन गर्दै जेनजी युवाले बजार परिक्रमा गरेका थिए ।
प्रदर्शनमा उत्रिएका युवाले नेकपा एकीकृत समाजवादी र कांग्रेस पार्टी कार्यालयमा ढुंगामुढा गर्दा कार्यालयका बोर्ड, एसी र झ्यालका सिसा फुटेका छन् । त्यस्तै नापी कार्यालयका झ्यालका सिसा पनि प्रदर्शनकारीले फुटाइदिएका छन् । मालपोत कार्यालय र कपिलवस्तु नगरपालिका कार्यालयमा पनि बाहिरबाट ढुंगा प्रहार गरेका थिए । त्यस्तै जीतपुर, इमिलिया, चन्द्रौटा र कृष्णनगरमा पनि बिहानैदेखि प्रदर्शन भइरहेको छ ।
