पूर्वराजा ज्ञानेन्द्र आज पोखराबाट आउने कार्यक्रम छ । उनी ३ बजे चार्टड विमानबाट आउने बताइएको छ । शाहवंशको कूलमन्दिरका रूपमा रहेको स्याङ्जाको आलमदेवी पुगेका ज्ञानेन्द्र केही दिनदेखि पोखरामै रहेका छन् ।

ठाउँठाउँमा र्‍यालीका लागि निस्किएको भीडका कारण काठमाडौं उपत्यकाको ट्राफिक अस्तव्यस्त भएको छ । विमानस्थल वरपर भीड भएकाले सुरक्षा व्यवस्था कडा पारिएको छ भने यात्रुहरू पैदलै भित्र गइरहेका छन् । साथै सडकमा केही एम्बुलेन्सलगायतका सवारी साधनलाई अवरोध पुगेको छ ।