उनीहरूले पाथीभरा केवलकार खारेजी संयुक्त संघर्ष समितिका मागहरूमा ऐक्यबद्धता जनाउँदै पदयात्रा गरे । बिहीबार काफ्लेपाटीबाट पदयात्रामा सहभागी भएका पूर्वउपप्रधानमन्त्री महतोसहितको टोली फेदीसम्म पुगेर फर्किने र काफ्लेपाटीमा कोणसभा हुने पाथीभरा केवलकार खारेजी संयुक्त संघर्ष समितिका अध्यक्ष खगेन्द्र फेम्बु लिम्बूले बताए । कोणसभामा पहिचानवादी नेताहरूले सम्बोधन गर्ने कार्यक्रम रहेको छ । आन्दोलनरत समूहले केबलकार स्टेसन छेउदेखि मन्दिरसम्मै क्षमा पूजा समेत गरिरहेका छन् । यता पाथीभरामा केवलकार निर्माण पक्षले भने निर्माण कार्य रोकेका छैनन् । निर्माण क्षेत्रमा काँडेतार लगाएर काम भइरहेको छ भने वरिपरि प्रहरी खटाइएको छ । निर्माणको काम निरन्तर भइरहेको र आन्दोलनपनि नरोकिएको स्थितिमा सुरक्षालाई मध्यनजर गर्दै यसक्षेत्रमा प्रशासनले ठूलो संख्यामा सशस्त्र र प्रहरी परिचालन गरेको छ ।