तस्बिरमा हेर्नुहोस् पोखराको मतदान

तस्बिर : दीपक परियार

पोखरा — कास्कीको पोखरा महानगरपालिकासहित पाँचवटै स्थानीय तहमा शुक्रबार बिहान ७ बजेदेखि नै मतदान सुरु भयो । सम्पूर्ण स्थानीय तहमा शान्तिपूर्ण रुपमा मतदान भइरहेको छ ।

मतदाता उत्साहपूर्वक मतदानमा सहभागी भए । मतदान केन्द्रमा बिरामी, अपांगता भएका व्यक्ति, वृद्धवृद्धा र किरियापुत्रीले सहजतापूर्वक मत हाल्न पाए । निर्वाचन आयोगको कार्यालय कास्कीका सूचना अधिकारी रुद्र न्यौपानेका अनुसार दिउँसो ३ बजेसम्म कास्कीमा ५५ प्रतिशत मत खसेको छ ।

‘कास्कीका सबै ठाउँमा शान्तपूर्वक मतदान भइरहको छ,’ उनले भने, ‘मतदान सकिएपछि सम्बन्धित पालिकाको केन्द्रमा मतपेटिका ल्याइन्छ ।’ सर्वदलीय सहमतिमा शुक्रबार बेलुका वा शनिबार बिहानबाट मतगणना हुने उनले बताए । कास्कीमा पोखरा महानगरपालिका, रुपा, मादी, माछापुच्छ्रे र अन्नपूर्ण गाउँपालिका छन् ।


प्रकाशित : वैशाख ३०, २०७९ १५:३७
प्रतिक्रिया
पठाउनुहोस्

नेपालगञ्जमा बच्चा च्यापेरै मतदानमा मुस्लिम महिला

रुपा गहतराज

नेपालगन्ज — मुस्लिम समुदायको बाहुल्य बसोबास रहेको बाँकेको नेपालगन्ज उपमहानगरपालिकामा महिला मतदाताको उत्साहजनक सहभागिता देखिएको छ । बुर्का र घुम्टोभित्र रहेका महिलाहरूसमेत मतदानमा उत्साहपूर्णरुपमा सहभागी भएका छन् । खुला र सक्रिय राजनीतिबाट टाढै रहेका ती महिला काखे बच्चा च्यापेरै पनि मतदानस्थल पुगेका छन् ।

नेपालगंन्ज उपमहानगरको वडा नं ४, ११ र २२ का मतदानस्थलहरुमा मुस्लिम महिलाहरु बाक्लो सहभागिता देखिएको छ ।

यहाँ सत्ता गठबन्धनका तर्फबाट मेयरमा कांग्रेसका प्रशान्त विष्ट र उपमेयरमा जसपाका कमरुद्धिन राई उम्मेदवार छन् । त्यस्तै, एमालेबाट मेयरमा पशुपतिदयाल मिश्र र उपमेयरमा शान्ति ढकाल तथा राप्रपाबाट मेयरमा नन्दलाल वैश्य र उपमेयरमा विन्दु चर्तीमगर उम्मेदवार छन् ।

प्रकाशित : वैशाख ३०, २०७९ १५:३४
पूरा पढ्नुहोस्
प्रतिक्रिया
पठाउनुहोस्
×