महामन्त्री जितेपछिको खुसीयाली [तस्बिरहरु]

उनीहरुले 'गगन दाइ हाइ हाइ', 'विश्व दाइ हाइ हाइ' जस्ता नारा लगाएका थिए । शर्मालाई कार्यकर्ताले काँधमा बोकेर विजयोत्सव मनाए भने थापालाई कार्यालय नजिकको सडकमा लामबद्ध बसेर बधाई दिँदै गरेको दृश्य रोचक थिए । विजयबाट स्वाभाविक खुसी भए पनि शर्मा र थापा कार्यकर्तामा देखिएको खुसीले झनै प्रफुल्लित भए । शेखर कोइरालाको प्यानलबाट महामन्त्रीमा उम्मेदवार बनेका थापाले सबैभन्दा बढी ३०२३ मत ल्याएर महामन्त्रीमा निर्वाचित भएका हुन् । त्यस्तै, १९८४ मत ल्याउँदै दोस्रो स्थानमा रहेर विश्वप्रकाश शर्मा पनि महामन्त्रीमा निर्वाचित भए ।