काठमाडौँ — यो साता हामीलाई उत्कृष्ट लागेका सात तस्बिरहरु ।अविरल वर्षासँगै आएको बाढीले डुबानमा परेको मेलम्ची बजार नियाल्दै सर्वसाधारणहरु । जिल्ला प्रहरी कार्यालय सिन्धुपाल्चोकका अनुसार बाढीले बगाउँदा ७ जनाको मृत्यु हुनुका साथै अझै केही बेपत्ता भइरहेका छन् । मेलम्ची खोला बस्तीमा उर्लिँदा बजार क्षेत्र डुबानमा पर्नुका साथै घर र पुलहरू समेत बगाएको छ । तस्बिर : हेमन्त श्रेष्ठ
ललितपुरको इमाडोलस्थित अफल टोलमा २७ फिट अग्लो निलकण्ठ महादेवको मूर्ति बनाउँदै मुर्तिकार रवि शाक्य, उक्त मूर्ति गोसाइँकुण्डको कालिकास्थानमा राखिने भएको छ । मानवकल्याण आध्यात्मिक प्रतिष्ठानद्वारा निर्माण गर्ने लगाइएको यस मूर्ति गोसाइँकुण्ड बाहेक अरु पाँच ठाउँमा पनि राखिने छ । । तस्बिर : बिजु महर्जन
