प्रतिनिधिसभा विघटनविरुद्ध नागरिक आन्दोलन [तस्बिरहरु]

तस्बिर : केशव थापा

काठमाडौँ — प्रतिनिधिसभा विघटनविरुद्ध बृहत् नागरिक आन्दोलन समूह तथा चिकित्सा शिक्षा सुधार अभियन्ता गोविन्द केसीसहितको समूहले माइतीघरमा शनिबार प्रदर्शन गरेका छन् । प्रदर्शनमा 'संवैधानिक सर्वोच्चता कायम गर, संवैधानिक निकायको कब्जा बन्द गर, असंवैधानिक नियुक्ति खारेज गर, नागरिक अघि बढ्दैछ, सर्वसत्तावाद ढल्दैछ, ओली सरकारको स्वेच्छाचारी कदमको अवज्ञा गरौं' लेखिएको प्लेकार्ड देखाइएको थियो । हरेक शनिबार नागरिक अगुवाहरू माइतीघर मण्डलामा भेला भएर विरोध गर्दै आइरहेका छन् । प्रतिगमनविरूद्ध बृहत् नागरिक आन्दोलनले आन्दोलन अझ सशक्त बनाउँदै सोमबार २ बजे कमलपोखरीबाट जुलुस निकाल्दै बालुवाटार पुग्ने निर्णय सुनाएको थियो ।


प्रकाशित : माघ १०, २०७७ १४:२२
प्रतिक्रिया
पठाउनुहोस्

भूगोलका फरक हिस्सा हिँड्नुअघि 

रामगोपाल आशुतोष

तिमी गए पनितिम्रो मायाको उपहार रहिरहनेछ । जस्तो –चन्द्रसूर्य आकाशमा–धरतीमा हावापानी 

जस्तो

–सासमा न्यानोपन

–रहिरहन्छ मुटुमा धड्कन

–हावामा चञ्चलता

–उस्तै रहनेछन् मेरा बदमासी


जस्तो

–फूलमा सुवास

–इन्द्रेणीमा रङ

–खोलाको छङछङ

–चराको चिर्बिर


सबै सबै रहिरहनेछन्

नासो बनेर

बाँचेसम्म –यो मुटुको गहिराइमा

रहेसम्म –यो ब्रह्माण्डको विशालतामा


लौ !

लाटी –किन रोएकी यसरी !?

सम्हाल आफूलाई

रोक –रोक, आँसु बगाउन रोक !

र, हाँस !


जून जसरी हाँस्न आउँदैन होला –ठीक छ !

फूलजस्तै मुस्काउन आउँदैन होला –केही छैन !!


तर हाँस !!

–जसरी हाँस्छ

अघोर अँध्यारोसँग लड्दै उषाको पहिलो किरण

–जसरी मुस्काउँछ

घनघोर वर्षात्मा बादलसँग युद्ध गर्दै

चट्याङ


जोडजोडले हाँस्न नआए पनि

बत्तीसी देखाएर,

छाती खोलेर हाँस्न नसके पनि

एकचोटि हाँस ......

वा मुसुक्क हाँस ........ !


हिजोसम्म हामी

प्रेमसम्बन्धमा थियौँ

आजपछि –श्रद्धामा हुनेछौँ !


भोलि त

तिमी र मलाई

भूगोलको आधाआधा गोलार्द्ध हिँड्नुछ !


लौ, अब त हाँस !

र, म पनि हाँस्छु

..............बिस्तारै ................. !!!

प्रकाशित : माघ १०, २०७७ १४:०३
पूरा पढ्नुहोस्
प्रतिक्रिया
पठाउनुहोस्
×