लकडाउनको मौकामा धमाधम सडक मार्किङ (तस्बिरहरू)

तस्बिर : प्रकाशचन्द्र तिमिल्सेना

काठमाडौँ — कोरोना भाइरस(कोभिड–१९) को जोखिम रोकथामका लागि सरकारले देशभर लकडाउन गरेका कारण सडक खाली छन् । यही मौका छोपेर सडक मार्किङको काम धमाधम भइरहेको छ । सडक विभागका कर्मचारीहरुले सिंहदरबार क्षेत्रमा यसरी धमाधम गर्दैछन् सडक मार्किङको काम । हेर्नुहोस् तस्बिरहरु :


प्रकाशित : चैत्र २३, २०७६ १३:४३
प्रतिक्रिया
पठाउनुहोस्

बागलुङमा लकडाउन उल्लंघन गर्ने ४० पक्राउ

प्रकाश बराल

बागलुङ — जिल्ला प्रहरीले लकडाउन उल्लंघन गर्नेहरुलाई पक्राउ गर्न थालेको छ । सरकारले लगडाउन झन् कडा पार्ने निर्णर्य गरेसँगै बागलुङमा लकडाउन उल्लंघन गर्नेहरुलाई पक्राउ गर्न थालिएको हो । 

आइतबार बिहान मात्र ४० जनालाई पक्राउ गरिएको प्रहरी उपरीक्षक नवराज भट्टले बताए । ‘अत्यावस्यक काम नपरेका मानिस भित्रै बसिदिनोस् भन्दा नटेरेपछि पक्राउ गरेका हौं,’ भट्टले भने, ‘संक्रमण घटाउन पनि कडा रुपमा प्रस्तुत हुनुपरेको हो ।’ पक्राउ परेकालाई सम्झाइबुझाइ घर पठाएको उनले बताए । पटक पटक दोहोरिएमा क्वारेन्टाइन पठाउने उनले बताए ।

दुईजना संक्रमित भेटिएपछि बागलुङलाई कडा लकडाउन बनाउन दबाब समेत परेको छ । दुवै संक्रमितका परिवारको स्वाब परीक्षण भने नेगेटिभ आएको छ ।

आइतबार राति छैठौ संक्रमित महिलाको ससुरा, बुहारी र दुई नातीको नेगेटिभ आएको हो । पाँचौ संक्रमितको परिवारका सबै सदस्यको शुक्रबारै नेगेटिभ आएको थियो । संक्रमित दुवैजना धौलागिरी अञ्चल अस्पतालमा उपचार गराइरहेका छन् ।

कोरोना भाइरसबाट संक्रमति नवौं युवासँगै कंचनपुरबाट आएको पत्ता लागेपछि एक जनालाई बागलुङको बरेङ गाउँपालिकाले क्वारेन्टाइनमा राखेको छ । उनीहरुसँगै आएका अन्य चारजना भने रुपन्देहीमा रहेको खुलेको गाउँपालिका अध्यक्ष कृष्णप्रसाद शर्माले बताए ।

प्रकाशित : चैत्र २३, २०७६ १३:४२
पूरा पढ्नुहोस्
प्रतिक्रिया
पठाउनुहोस्
×