लकडाउनको दोस्रो दिन : धेरै सुनसान, कतैकतै उल्लंघन [तस्बिरहरु]

कान्तिपुर संवाददाता

काठमाडौँ — संसारभर महामारीका रुपमा फैलिइरहेको कोभिड-१९ (कोरोना भाइरस)को संक्रमण नेपालमा पनि देखिएपछि सरकारले हिजोदेखि एक साताका लागि देशै लकडाउन गरेको छ । लकडाउनको दोस्रो दिन पनि काठमाडौं सहरका सहर बजार सुनसान र शान्त देखिएका छन् । 

प्रकाशित : चैत्र १२, २०७६ १५:०९

अत्यावश्यक काम बाहेक सडकमा निस्कनेको संख्या कम छ । केहीले साइकल तथा मोटरसाइकलबाट खाद्यान्न तथा ग्यासको जोहो गरिरहेको दृश्य उपत्यकाका विभिन्‍न ठाउँमा देख्न सकिन्छ ।

त्यस्तै सरकारको निर्देशन नमानेर सडकमा निस्कने ३ सय भन्दा बढी सवारी साधनलाई पनि ट्राफिक प्रहरीले नियन्त्रणमा लिएको छ । मंगलबारको तुलनामा काठमाडौं उपत्यकाका सडक र बजार बुधबार सुनसान र शान्त रहेका छन् ।

तस्बिरहरु - किरण पाण्डे, इलिट जोशी, अंगद ढकाल, हेमन्त श्रेष्ठ, अनिश रेग्मी

ADVERTISEMENT
प्रतिक्रिया
पठाउनुहोस्
ADVERTISEMENT

तनहुँमा लकडाउन उल्लंघन गर्ने दुई सय सवारीसाधन नियन्त्रणमा

सम्झना रसाइली

तनहुँ — तनहुँमा लकडाउनको अटेर गरी राजमार्ग तथा सदरमुकाम आसपासका क्षेत्रमा गुडाइएका १९३ वटा सवारी साधन नियन्त्रणमा लिइएको छ । 


१८९ मोटरसाइकल/स्कुटर, २/२ वटा ट्रक र जिप नियन्त्रणमा लिइएको जिल्ला ट्राफिक प्रहरी प्रमुख पूर्णबहादुर अधिकारीले बताए।

उनले भने,‘लकडाउनको बेवास्ता गरी अनावश्यक रुपमा सडकमा गुडेएका स्थानीय सवारीसाधन नियन्त्रणमा लिइएको हो। लकडाउन पछि नै सवारी साधानलाई छोडिने छ।’




प्रकाशित : चैत्र १२, २०७६ १५:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×