साल्ट ट्रेडिङमा ग्यास र उपभोग्य वस्तु लिनेको भीड [तस्बिरहरु]

तस्बिर : बिजु महर्जन

काठमाडौँ — कालिमाटीस्थित साल्ट ट्रेडिङ सेन्टरमा सुपथ मूल्य पसलमा सर्वसाधरणाहरुको भीड लागेको छ । कोरोना संक्रमणको जोखिम बढेसँगै बजारमा अभाव हुन सक्‍ने भन्दै सरकारले उपत्यकाका विभिन्‍न स्थानमा सुपथ मूल्य पसल सञ्‍चालनमा ल्याएको हो । साल्ट ट्रेडिङबाटै एसटीसी ग्यासले रिटेल काउन्टर खोलेर ग्यास बिक्री गरिरहेको छ ।

गत बिहीबार सूचना तथा सञ्चार प्रविधि मन्त्रालयमा आयोजित पत्रकार सम्मेलनमा आपूर्ति मन्त्री लेखराज भट्टले साल्ट ट्रेडिङले उपत्यकाका ५ ठाउँमा सुपथ मूल्यका पसल खोल्ने बताएका थिए । आयल निगमले ग्यासको आपूर्ति सहज बनाउन रिटेल काउन्टर खोल्न निर्देशन दिएपछि ग्यास उद्योग संघले काठमाडौंका विभिन्‍न विक्रेता मार्फत् आइतबारदेखि २२ ठाउँमा ग्यास बिक्री गरिरहेको छ । २२ ग्यास ब्राण्डले २२ ठाउँमा रिटेल काउन्टर खोलेर बिक्री गरिरहेका हुन् ।

प्रकाशित : चैत्र ९, २०७६ १५:४८
प्रतिक्रिया
पठाउनुहोस्

मन्त्रिपरिषद् बैठकअघि प्रधानमन्त्रीले भेटे राष्ट्रपति 

कान्तिपुर संवाददाता

काठमाडौँ — प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग भेटवार्ता गरेका छन् । आइतबार राष्ट्रपति निवास शितल निवास पुगेर प्रधानमन्त्रीओलीले राष्ट्रपति भण्डारीलाई भेटेका हुन् । 

देशको पछिल्लो अवस्थाबारे जानकारी गराउन प्रधानमन्त्री ओलीले राष्ट्रपतिलाई भेटेको प्रधानमन्त्रीका प्रेस सल्लाहकार सूर्य थापाले बताए ।

भेटमा विश्वव्यापी फैलिएको कोरोना भाइरस प्रकोपको रोकथामका लागि सरकारले गरेको तयारीका बारेमा प्रधानमन्त्री ओलीले राष्ट्रपतिलाई जानकारी गराएको सल्लाहकार थापाले बताए ।

दोस्रो पटक मिर्गौला प्रत्यारोपणपछि प्रधानमन्त्री ओलीले पहिलो पटक राष्ट्रपतिलाई भेटेका हुन् । यस्तै, आइतबार नै प्रधानमन्त्री ओलीले मन्त्रिपषिद्को बैठक बोलाएका छन् ।

प्रकाशित : चैत्र ९, २०७६ १५:२४
पूरा पढ्नुहोस्
प्रतिक्रिया
पठाउनुहोस्
×