सरकारी कार्यालयमा भीड [तस्बिरहरु]

तस्बिर : प्रकाशचन्द्र तिमिल्सेना

काठमाडौँ — सरकारले सार्वजनिक स्थानमा २५ जनाभन्दा बढी भेला हुन नपाइने भन्दै बुधबार निर्णय गर्यो ।बुधबार उपप्रधान तथा रक्षामन्त्री ईश्वर पोखरेल संयोजक रहेको कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिले गरेको उक्त निर्णय सरकारी कार्यालयहरुमा लागू भएको पाइएन । बिहीबार ललितपुरस्थित यातायात व्यवस्था कार्यालय,नापी विभाग लगायतका सरकारी कार्यालयहरुमा सेवाग्राहीको भीड धेरै नै थियो । सार्वजनिक स्थलमा भेला हुन नपाइने भन्दै सरकारले निर्णय गरेपनि सरकारी कार्यालयहरुमा भने धेरै नै भिड हुने गरेको छ ।


प्रकाशित : चैत्र ६, २०७६ २०:२१

ADVERTISEMENT
ADVERTISEMENT
प्रतिक्रिया
पठाउनुहोस्

साउदीमा कोरोनासम्बन्धी गलत सूचना फैलाउनेलाई ५ वर्ष जेल र ३० लाख रियाल जरिवाना : दूतावास

होम कार्की

काठमाडौँ — साउदी अरबस्थित नेपाली दूतावासले कोरोना भाइरसका बारेमा भ्रमपूर्ण सूचना फैलाउनेलाई ५ वर्ष जेल र ३० लाख रियाल जरिवाना रहने भन्दै नेपाली कामदारलाई सूचित गरेको छ ।

दूतावासले त्यस्तो सूचना फैलाउनेलाई साउदी अरबको अनुसान्धान ब्यूरोले अनुसन्धान गरिरहेको भन्दै गलत सूचना नफैलाउन सचेत गरेको हो । साउदीले एक आप्रवासी कामदारलाई पक्राउ गरी कानूनी कारबाहीको प्रक्रिया अगाडि बढाइसकेको छ ।

‘कोरोना भाइरसको संक्रमण र फैलावट सम्बन्धमा साउदी सरकारका तथ्याङक र सूचना भन्दा बाहिर गएर अनावश्यक बोल्नुहुदैन,’ साउदीका लागि नेपाली राजदूत महेन्द्रसिंह राजपुतले कान्तिपुरलाई भने,‘तथ्यहीन विषयहरु सोसल मिडियामा पोष्ट नगर्नु समेत साउदीमा कार्यरत नेपालीलाई अनुरोध गर्दछु ।’ साउदीले यस विषयलाई अत्यन्त संवदेनशील रुपमा लिएको छ ।

‘कोरोना भाइरसको संक्रमण सम्बन्धमा कुनै अफवा फैलाउने सद्भाव खलबल्याउने प्रकारका कुनैपनि कार्य नगर्नु हुन अनुरोध छ । कुनै गलत गतिविध भेटाएमा यहाँको कानून अनुसार अत्यन्त कडा सजाय हुने हुँदा सजग गराइन्छ,’ दूतावासद्वारा जारी विज्ञप्तीमा उल्लेख छ ।

साउदीको राजधानी रियाद, पूर्व क्षेत्र एवं देशका विभिन्‍न स्थानमा कोरोना फैलिदै गएकोले सचेत अपनाउन दूतावासले अनुरोध गरेको छ । यो भाइरसबाट साउदीमा संक्रमितको संख्या २३८ पुगेको छ । रियादमा मात्र थप १९ जनामा यो संक्रमण देखिएको छ । हालसम्म नेपाली कामदार संक्रमित भइनसकेको राजदूत राजपुतले बताए ।

दूतावासले कोरोना भाइरसको संक्रमण नियन्त्रण गर्ने महत्वपूर्ण प्रयासका रुपमा यहाँको स्वास्थ्य मन्त्रालयले मोबाइल प्रयोग कर्तामा एक सन्देश पठाइ संक्रमण हुन नदिन अपनाउनुपर्ने सावधानीका बारेमा जानकारी गराउन सुरु गरेको जनाएको छ । साउदीमा हाल ३ लाख ५० हजार नेपाली कार्यरत छन् ।

साउदी सरकारले मक्का र मदिनाका दुई पवित्र मस्जिद बाहेक नियमित एवं हरेक शुक्रबार हुने विशेष प्रार्थनाका लागि खुल्ने गरेका देशभरीका मस्जिदहरु अर्को सूचना नभएसम्मका लागि बन्द गरेको छ ।

मानिसको आवागमन धेरै हुने धार्मिकस्थल समेत बन्द गरेको उनले बताए । ‘यहाँका सरकारी कार्यालयहरु, अदालत, विद्यालय तथा विश्विद्यालय बन्द छन् । निजी क्षेत्रका कम्पनीमा ६० प्रतिशत भन्दा जनशक्तिबाट काम गराउन तथा सम्भव भएका कामहरु घरबाटै गर्ने वातावारण बनाउन साउदी सरकारले कम्पनीहरुलाई अनुरोध गरेको छ,’ उनले भने ।

प्रकाशित : चैत्र ६, २०७६ १९:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×