कान्तिपुर वेबसाईट
AdvertisementAdvertisement

रमाउँदै घर फर्किए चीनबाट उद्धार गरिएकाहरु [तस्बिरहरु]

तस्बिर : हेमन्त श्रेष्ठ

काठमाडौँ — चीनबाट उद्धार गरी नेपाल ल्याइएकाहरुलाई घर फर्काउन थालिएकाे छ । साेमबार आएकाे रिपाेर्टमा १ सय ७५ जनामै कोरोना भाइरस (कोभिड-१९)को संक्रमण नभएपछि उनीहरुलाई घर पठाइएकाे हाे । खरिपाटीस्थित क्वारेन्टाइनमा रहेका उनीहरुको प्रयोगशाला परीक्षणमा कोभिड-१९ को संक्रमण नेगेटिभ देखिएकाे हाे । १६ दिन क्वारेन्टाइन बसाइँपछि घर फिर्न पाउँदा उनीहरु निकै खुसी देखिन्थे ।हेर्नुहाेस् तस्बिरहरु :


प्रकाशित : फाल्गुन १९, २०७६ १८:३२
प्रतिक्रिया
पठाउनुहोस्

जागृत हुँदै गरेका सपनालाई अलपत्र पारेर म अलप हुन्न : प्रधानमन्त्री [सन्देशको पूर्ण पाठसहित]

कान्तिपुर संवाददाता

काठमाडौँ — प्रधानमन्त्री केपी शर्मा ओलीले सोमबार साँझ अस्पताल भर्ना हुनु अघि भिडियो सन्देश जारी गरेका छन् । त्रिवि शिक्षण अस्पतालमा मिर्गौला प्रत्यारोपणका लागि सोमबार भर्ना भएका उनले भिडियोमार्फत सन्देश मार्फत आफ्नो शल्यक्रिया सफलता पूर्वक सम्पन्न हुनेमा आफू विश्वस्त रहेको बताएका छन् ।

भिडियो सन्देशमा प्रधानमन्त्री ओलीले आफ्नो जीवन संघर्षमा बितेको बताउँदै लोकतन्त्र र स्वतन्त्रताको लागि संघर्ष गरेकैले आफ्नो स्वास्थ्यमा समस्या आइरहेको दाबी गरेका छन् ।

१२ वर्षअघि दुवै मिर्गौलाले काम गर्न छोडेपछि २०६४ साउनमा मिर्गौला प्रत्यारोपण गराएको उनले सम्झिएका छन् । त्यतिबेलाभन्दा अहिले मिर्गौला प्रत्यारोपण गर्न सहज भएको र अहिले थप सहज हुने उनले अपेक्षा राखेका छन् । नेपालमै अनुभवि नेपाली चिकित्सकले मिर्गौला प्रत्यारोपण गर्न लागेकोमा आफूलाई गर्व लागेको उनले बताएका छन् ।

विकास र समृद्धिका मुर्छित सपनालाई नेकपाले निर्वाचनमार्फत जागृत गराएको र तिनलाई बीचमै आफूले नछोड्ने बताए । उनले भनेका छन्, 'जसरी खेलको बीचमा राम्रो खेलाडीले मैदान छोड्दैन त्यसैगरी जागृत हुँदै गरेका सपनालाई अलपत्र पारेर म पनि अलप हुन्न ।'

संसारमा कोही पनि अजम्बरी नहुने र आफू पनि अजम्बरी हुनका लागि ती कुरा नबताइरहेको ओलीको भनाइ छ । उनले आफ्नो स्वास्थ्यलाई लिएर ढुक्क हुन आग्रह गरका छन् ।

आफू अस्पतालमा रहेका बेला सरकार, पार्टी र संसद संचालनका लागि आवश्यक व्यवस्था गरिएको प्रधानमन्त्री ओलीले बताएका छन् ।

पूर्ण पाठ :



प्रकाशित : फाल्गुन १९, २०७६ १८:१७
पूरा पढ्नुहोस्
प्रतिक्रिया
पठाउनुहोस्
×