​पीडितहरु न्यायका लागि भन्दै गत असार २५ गते जनकपुरबाट पैदलयात्रा सुरु गरी काठमाडौंका लागि हिँडेका थिए । उनीहरु दुई दिनदेखि निजगढमा रोकिएका छन् । गृहमन्त्री गुरुङसँग निजगढमै वार्ता हुने तय भएपछि उनीहरुले पैदल यात्रा स्थगित गरेर गृहमन्त्रीसँग वार्तामा बसेका हुन् ।

​पीडितहरुले ६ बुँदे माग अघि सारेपछि मंगलबारदेखि नै निजगढस्थित उद्योग वाणिज्य संघको हलमा वार्ता सुरु भएको थियो । मंगलबार राति अबेरसम्म भएका छलफलमा सहमति जुट्न नसकेपछि बुधबार मध्याह्न १२ बजेदेखि पुनः वार्ता बस्ने तय भएको थियो । तर गृहमन्त्री गुरुङ सिमरामा भेटघाट र केही क्षेत्रको अनुगमनपछि पर्सा निकुञ्जस्थित मन्दिर दर्शन गर्न गएका थिए । यहीबीच पीडित अगुवाहरु भने आन्तरिक छलफलमा जुटेका थिए ।