काठमाडौं जिल्ला अदालतका न्यायाधीश चन्द्रकान्त पौडेलको इजलासले उनलाई दोषी ठहर गर्दै ३२ असारमा सजाय निर्धारणका लागि पेशी तोकेको छ ।
काठमाडौं — जिल्ला अदालत काठमाडौंले पूर्वप्रदेश प्रमुख राजेश अहिराज (राजेश झा)लाई बलात्कार मुद्दामा दोषी ठहर गरेको छ । काठमाडौं जिल्ला अदालतले मंगलबार अहिराजलाई दोषी ठहर गरेको हो ।
न्यायाधीश चन्द्रकान्त पौडेलको इजलासले उनलाई दोषी ठहर गर्दै ३२ असारमा सजाय निर्धारणका लागि पेशी तोकेको छ ।
अहिराज (राजेश झा) मधेश प्रदेशका पूर्वप्रदेश प्रमुख हुन् । उनी मधेशवाणी साप्ताहिक पत्रिकाका सम्पादक/प्रकाशक थिए । उनले मधेश आन्दोलन तथा मधेशवादमा पीएचडी समेत गरेका छन् ।
