'हामीले जति संख्यामा पर्यटक भित्र्याउने आकांक्षा देखेका छौँ । त्यहीअनुसार योजना, नीति बनाइरहन्छौं । तर हवाई क्षेत्रको अवस्था हेर्दा त्यो देखिँदैन । भएका कम्पनीका साथीहरुको पनि गुनासो मात्रै बढी छ । सप्रिँदै जानेभन्दा बिग्रँदै गएजस्तो देखिन्छ,' उनले भने, 'अर्कोतिर सरकार आफैँले पनि फेरि चाहेर एउटा तातेताते गराइहालौं भन्ने अवस्था पनि छैन । धेरै चिजहरुबाट यो कम्पिलिकेटेड रहेछ भनेर मैले ३ महिनाको दौरानमा थाहा पाएँ । यसलाई कुनै न कुनै तरिकाले पार लगाउनुपर्छ भन्नेमा हामी छौँ ।'

हवाई उद्योग एकदमै सुदृढ नगरी यो देशको उन्नयन सम्भव नहुने उनले बताए । 'प्रमुख रुपमा त हामी सबैलाई थाहा छ–अहिले ईयूको आकाशमा हामी प्रतिबन्धित छौं । त्यो प्रतिबन्धबाट उठाउनका लागि पनि हामीले धेरै नीतिगत, कानुनी सुधार पनि गर्नुपर्नेछ । अरु धेरै सुरक्षाका मापदण्डहरुलाई पूरा गर्दै जानुपर्नेछ,’ उनले भने ।