दाेलखा — ऐतिहासिक सम्पदा बस्ती दाेलखाबाट ३४ वर्षअघि चाेरी भएका ´हाथ्य देउ` अर्थात आकाश भैरवका दुई थान मुकुट बिहीबार दोलखा फिर्ता ल्याइएको छ ।

२०५० र ०५१ सालमा चाेरी भएका आकाश भैरवका दुवै मुकुट अमेरिका पुर्‌याइएकाे  थियाे । पुरातात्त्विक महत्त्वका दुवै मुकुटलाई सम्पदा संरक्षण अभियानकर्ताले अमेरिकी संग्रहालयमा फेला पारेपछि फिर्ता ल्याउने पहल गरेका थिए । अमेरिकाकाे छुट्टाछुट्टै संग्राहलयमा फेला परेका दुवै मुकुटलाई प्रमाण पेस गरेर फिर्ता गरिएकाे हाे ।

२०८० सालमा अमेरिकी संग्रहालयबाट फिर्ता भएका दुवै मुकुटलाई छाउनीस्थित नेपाली सेनाकाे संग्रहालयमा राखिएकाे थियाे । दाेलखाका नक्छे प्रधान खलककाे कुल घरबाट चाेरी भएका आकाश भैरवका दुवै मुकुटलाई सेनाले स्थानीयलाई हस्तान्तरण गरेपछि फिर्ता ल्याइएको भीमेश्वर नगरपालिका-२ का अध्यक्ष स्टालिन श्रेष्ठले बताए । दुवै आकाश भैरवका मुकुटलाई बाजागाजासहित दाेलखा भित्र्याइएकाे उनले बताए । दुवै मुकुटकाे  बिहीबार नै नगर परिक्रमा गराएर प्रतिष्ठान गरिएको उनले बताए ।