बिहान ८ बजेदेखि संसदीय सुनुवाइ प्रक्रिया सुरु भएको हो । शर्माविरुद्ध १६ थान उजुरी परेका छन् ।
17 Updates
म उच्च अदालतमा हुँदा योग्य भएर नियुक्ति गरिएको हो । संविधानले हटाएपछि वकालतमा फर्केको थिए । फेरि सर्वोच्च अदालतमा योग्य नै ठानेर लगिएको हो । आफन्त भएकै भरमा अयोग्य हुने कुनै कानुन भएका जानकारी छैन । यसमा मेरो धेरै टिपप्णी छैन ।
रास्वपा सांसद कविन्द्र बुर्लाकोटीले प्रस्तावित प्रधानन्यायाधीश मनोजकुमार शर्मासँग मुद्दाको चाप र बिचौलियाको प्रभावबारे प्रश्न गरेका छन् । संसदीय सुनुवाइका क्रममा उनले सोधे, 'मुद्दाको चाप र बिचौलियाको प्रभाव के होला ? विकास निर्माणमा अदालतको फैसला र अन्तरिम आदेशलाई कसरी व्यवस्थापन गर्ने ?'
नेकपा सांसद वर्षमान पुनले प्रस्तावित प्रधानन्यायाधीश मनोजकुमार शर्मालाई अदालतमा देखिएको ग्रुपिज्म हटाउने योजना के छ भनेर प्रश्न गरेका छन् ।
उनले भने, 'अदालतमा गुप्रिमजम हुने कुरा छन्। आगामी दिनमा नहोस् भन्ने प्रश्न छ ? कार्यसम्पादनमा केही प्रश्न छन् ?' त्यस्तै उनले अगाडि भने, 'न्यायालयमा भ्रष्टाचार छ भन्ने हरिकृष्ण कार्कीको प्रतिवेदनमा भनिएको छ। यसलाई कसरी कार्यान्वयन गर्ने ?'
संसदीय सुनुवाइका क्रममा प्रस्तावित प्रधानन्यायाधीश मनोजकुमार शर्मालाई सांसदहरूले प्रश्न सोधिरहेका छन् । रास्वपा सांसद राजीव खत्रीले दरपीठविरुद्ध परेको निवेदन दर्ता नगर्न मौखिक आदेश दिनुभएको हो ? भनेर प्रश्न गरेका छन् । साथै तपाईंलाई नेपोबेबीका रूपमा पनि प्रश्न उठाइएको छ नि भनेर उनले प्रश्न उठाएका छन् । साथै उनले अर्को प्रश्न गरे : पार्टी कार्यालयमा गएकोबारे के हो ?
प्रधानन्यायाधीशमा सिफारिस डा. मनोजकुमार शर्मामाथि परेका १६ वटा उजुरीमाथिको छलफल सकिएको छ । अहिले प्रधानन्यायाधीशमा सिफारिस भएका शर्मा संसद् सचिवालय आइपुगेका छन् । केहीबेरमा उनी समितिमा पुग्ने कार्यक्रम छ । त्यसपछि शर्माले आफ्नो कार्ययोजना पेश गर्नेछन् । त्यसपछि उनीमाथि परेका उजुरी र कार्ययोजनामाथि सांसदहरूले प्रश्न सोध्नेछन् ।
प्रधानन्यायाधीशमा सिफारिस डा. मनोजकुमार शर्माले संसदीय सुनुवाइ समितिमा आफ्नो न्यायिक सुधारसम्बन्धी कार्ययोजना पेश गरेका छन् । उनले उक्त कार्ययोजना लागू भएपछि प्राप्त हुने उपलब्धिबारे पनि उल्लेख गरेका छन् । ती बुँदाहरू यसप्रकार छन् :
प्रधानन्यायाधीशमा सिफारिस डा. मनोजकुमार शर्माले संसदीय सुनुवाइ समितिमा आफ्नो कार्ययोजना पेश गरेका छन् । त्यसमा मुख्य ५ बुँदा यस्ता छन् :
नेकपा एमाले र नेपाली कम्यूनिष्ट पार्टीले प्रस्तावित प्रधानन्यायाधीसमाथिको सुनुवाइ हतार नगरौं भन्दै आफ्ना कुरा राखेका छन् । नेकपा एमालेकी सांसद पद्या अर्याल र नेकपाका सांसद वर्षमान पुनले हतार नगर्न र अध्ययनको समय उपलब्ध गराउन माग गरेका छन् ।अर्यालले ‘आजै उजुरी बाँडिएको र आजै सुनुवाइ गर्न हतार नगरौं’ भनि आफ्ना कुरा राखिन् भने नेकपाका पुनले एक दिन उजुरीलाई अध्ययन र छलफलका लागि समय दिन माग गरे ।
सर्वोच्च अदालतको प्रधानन्यायाधीशमा सिफारिस डा. मनोज कुमार शर्मामाथि संसदीय सुनुवाइ प्रक्रिया सुरु भएको छ ।
संसदीय सुनुवाइ समितिको बैठक बिहान ८ बजेदेखि सुरु हुँदै उनीमाथि परेका उजुरीको विवरण र शर्माका कार्ययोजना सांसदहरुलाई वितरण गरिएको छ ।
शर्माविरुद्ध १६ थान उजुरी परेका छन् । शर्मा उपर १६ वटा उजुरी परेकोमा ११ वटा इमेलबाट र ५ वटा लिखित निवेदन दर्ता भएका थिए । समिति सभापति बोधनारायण श्रेष्ठले आजै उजुरीकर्तासँग छलफल गर्ने र प्रस्तावित प्रधानन्यायाधीश शर्माको सुनुवाइ गर्ने तयारीको जानकारी गराएका थिए ।
