सर्वोच्च प्रशासनले पेस भएको तीनवटा रिटलाई दर्ता गर्न अस्वीकार गरेको हो ।
काठमाडौँ — प्रधानन्यायाधीशमा मनोज शर्माको सिफारिसविरुद्ध सर्वोच्च अदालतमा पेस भएको रिट दरपीठ भएको छ ।
सर्वोच्च प्रशासनले पेस भएको तीनवटा रिटलाई दर्ता गर्न अस्वीकार गरेको हो । वरिष्ठ अधिवक्ता दिनेश त्रिपाठी, अधिवक्ताहरु गीता थापा र प्रेमराज सिलवालले पेस गरेको रिटलाई दर्ता गर्न अस्वीकार गरेको हो । उनीहरुले संवैधानिक परिषद्ले बिहीबार वरीयता मिचेर गरेको निर्णय बदर हुनुपर्ने माग गर्दै रिट पेस गरेका थिए ।
प्रशासनले दरपीठ गरेपछि आफूहरु सोमबार इजलासमा निवेदन दिने रिट निवेदकमध्येका एक त्रिपाठीले बताए । संवैधानिक परिषद्ले चौथो वरीयतामा रहेका शर्मालाई ३३ औं प्रधानन्यायाधीशको रुपमा सिफारिस गरेको थियो ।
