प्रजिअ पौडेलले मानवीय पक्षलाई ध्यान दिएर सुकुमवासी बस्ती खाली गराउने काम भइरहेको बताए । ‘महानगर प्रहरी, नेपाल प्रहरी र सशस्त्र प्रहरी बलसमेत खटिएको छ, उनीहरुले खाली गरिदिन भन्दै माइकिङ गरिरहेका छन्,’ पौडेलले थपे, ‘उहाँको सामान ओसारपसार गर्नलाई समेत मिनी ट्रक र पिकअप गाडीको प्रबन्ध गरिएको छ, सामान सार्ने कुरालाई प्राथमिकता दिइएको छ ।’

सुकुमवासी बस्तीका नागरिकलाई ओसारपसारका लागि ९ वटा सरकारी बससमेत परिचालन गरिएको उनले जानकारी दिए । ‘उहाँहरुले कहाँ लगिदिने भन्नुहुन्छ, त्यही अनुसार सामानसमेत पुर्‍याइदिने गरी व्यवस्थापन गरिएको छ,’ पौडेलले थपे, ‘बिरामीका लागि एम्बुलेन्स र मेडिकल टिमसमेत तयार गरिएको छ ।’

प्रधानमन्त्री बालेन्द्र शाहले बुधबार बेलुकी सुरक्षा प्रमुखहरुलाई बोलाएर सुकुमवासी बस्ती खाली गराउने तयारी थाल्न निर्देशन दिएका थिए । त्यसपछि शहरी विकास मन्त्रालयले समेत तयारी थालेको थियो । मानवअधिकारवादी संस्था, नागरिक अगुवा, सुकुम्बासी मोर्चालगायतले चाहिा वैकल्पिक व्यवस्थापनबिना बल प्रयोग नगर्न सरकारलाई आग्रह गरेका थिए ।