काठमाडौँ — शुक्रबारदेखि देशका धेरै स्थानमा मेघगर्जन/चट्याङ/हावाहुरी/असिनासहित वर्षा र हिमपातको सम्भावना रहेको छ । मौसम पूर्वानुमान महाशाखाको जल तथा मौसम विज्ञान विभागका अनुसार शनिबारसम्म यो क्रम रहनेछ ।

शुक्रबार दिउँसो हिमाली भू-भागमा अधिकांश ठाउँमा बादल, पहाडी  भू-भागमा साधारणतया बादल लाग्नेछ भने तराई भू-भागमा  आंशिक बादल लाग्नेछ। सबै प्रदेशको पहाडी र हिमाली भू-भागका केही स्थानमा तथा तराई भू-भागका एक-दुई स्थानमा मेघगर्जन/चट्याङ/हावाहुरी/असिनासहित मध्यम वर्षा र हिमपातको सम्भावना रहेको छ ।

राति कोशी, मधेश, बागमती, गण्डकी र लुम्बिनी प्रदेशका केही स्थान तथा कर्णाली र सुदूरपश्चिम प्रदेशका पहाडी र हिमाली भू-भागका थोरै ठाउँ तथा तराई भू-भागको एक-दुई स्थानमा मेघगर्जन/चट्याङ/हावाहुरी/असिनासहित मध्यम वर्षा र हिमपातको सम्भावना रहेको छ। 

शनिबार दिउँसो कोशी, मधेश बागमती, गण्डकी र लुम्बिनी प्रदेशमा साधारणतया बादल लाग्नेछ र बाँकी भू-भागमा  आंशिक बादल लाग्नेछ। कोशी, मधेश, बागमती प्रदेशका केही स्थान तथा हिमाली र पहाडी भू-भागको थोरै स्थानमा मेघगर्जन/चट्याङसहित मध्यम वर्षा र हिमपात हुने विभागले जनाएको छ ।