सोमबार बैंककबाट थाई एयरमार्फत काठमाडौं आएका यात्रुमाथि शंका लागेपछि जाँच गर्ने क्रममा गाँजा भेटिएको थियो ।
काठमाडौँ — त्रिभुवन अन्तर्राष्ट्रिय विमानस्थल काठमाडौंमा ३ केजी ४३५ ग्राम गाँजासहित एक थाई नागरिक पक्राउ परेका छन् । पक्राउ पर्नेमा ३९ वर्षीय योङ्हुट थुइवन हुन् ।
विमानस्थल सुरक्षा कार्यालयका प्रवक्ता ढुण्डीराज नेउपानेका अनुसार, सोमबार बैंककबाट थाई एयरमार्फत काठमाडौं आएका यात्रुमाथि शंका लागेपछि जाँच गर्ने क्रममा गाँजा भेटिएको थियो ।
‘सुटकेसभित्र लुकाएर लैजान लागेको अवस्थामा आगमनको टनेल गेटबाट नियन्त्रणमा लिएका छौं,’ उनले भने, ‘थप कारबाहीका लागि उनलाई लागूऔषध नियन्त्रण ब्युरो, कोटेश्वर पठाइएको छ ।’
