काठमाडौं — राष्ट्रिय तथ्यांक कार्यालयले देशभरका निजी स्वास्थ्य संस्था (अस्पताल)को सर्वेक्षणको तयारी गरेको छ । 

निजी स्वास्थ्य संस्थाले मुलुकको कुल गार्हस्थ उत्पादनमा कति योगदान पुर्याएका छन् भनेर अध्ययन गर्नका लागि सर्वेक्षण गर्न थालिएको तथ्यांक कार्यालयका निर्देशक तीर्थराज बरालले जानकारी दिए । उनका अनुसार देशभरका निजी सही सामुदायिक अस्पतालले गणकबाट सर्वेक्षण गरिनेछ । आगामी वैशाखदेखि असार मसान्तसम्म तथ्यांक संकलन गर्ने उनको भनाइ छ। 

'अहिले कर्मचारी करारमा लिएका छनोट गर्ने कार्य भइरहेको छ । ती कर्मचारीलाई तालिम दिनेछौँ,' उनले भने, 'अनि हामी ती कर्मचारीलाई तथ्यां संकलन गर्न अस्पतामा पठाउँछौँ ।'

उनका अनुसार सर्वेक्षणबाट अस्पतालको आर्थिक अवस्था, अस्पतालले प्रदान गर्ने रोजगारी संख्यालगायत तथ्यांक संकलन गरिनेछ । 

कार्यालयले प्रत्येक १०-१० वर्षमा निजी स्वास्थ्य संस्थाको सर्वेक्षण गर्ने भने तापनि केही वर्ष ढिलाइ भएको उनको भनाइ छ ।