काठमाडौँ — बिमा रकम हत्याउन पर्यटकको नक्कली उद्धार उडान गरेको घटनामा ३३ जनाविरुद्ध राज्यविरुद्धको कसुर र संगठित अपराधमा मुद्दा दर्ता भएको छ । 

जिल्ला अदालत, काठमाडौंमा २४ जनालाई फरार अभियुक्त बनाउँदै जिल्ला सरकारी वकिलको कार्यालयले मुद्दा दायर गरेको हो । प्रहरीको केन्द्रीय अनुसन्धान ब्युरो (सीआईबी)ले गरेको अनुसन्धानका मुद्दा दर्ता भएको सरकारी वकिलका एक अधिकारीले बताए ।  

प्रहरीले यो घटनामा ९४ करोड ८४ लाख ९७ हजार ३ सय ९७ हजार नेपाली रुपैयाँ बिगो मागदाबी गर्दै रायसहितको प्रतिवेदन बुझाएको थियो । विदेशी नागरिकको समेत जाहेरी लिएको प्रहरीले २९ लाख ९८ हजार ८ सय २३ अमेरिकी डलर र १४ हजार ५ सय युरो पनि छुट्टै बिगो दाबी गरेको छ ।