स्वास्थ्यमा समस्या देखिएपछि उनलाई अस्पतालमा भर्ना गरिएको छ ।
काठमाडौँ — स्वास्थ्यमा समस्या देखिएपछि अर्थविद् केशव आचार्यलाई अस्पतालमा भर्ना गरिएको छ ।
मंगलबार बिहान स्वास्थ्यमा समस्या आएपछि ७२ वर्षीय उनलाई चाबहिलस्थित मेडिकेयर अस्पताल पुर्याइएको थियो । त्यसपछि थप उपचारका लागि थापाथलीस्थित अन्नपूर्ण न्यूरो अस्पताल लगिएको हो ।
हाल उनको उपचार भइरहेको उनको पारिवारिक स्रोतले जानकारी दिएको छ ।
आचार्यले नेपाल राष्ट्र बैंकमा तीन दशकभन्दा बढी समय काम गरेका थिए । साथै अन्तर्राष्ट्रिय मुद्रा कोष (आईएमएफ)मा समेत उनले काम गरेका थिए ।
