काठमाडौँ — गैरआवासीय नेपाली संघको नयाँ नेतृत्व चयन हुने भएको छ । एनआरएनएको अध्यक्षमा बेलायतका हेमराज शर्मा र अमेरिका रवीन बर्ज्राचाबीच प्रतिस्पर्धा हुँदैछ ।     

गैरआवासीय नेपाली विश्व सम्मेलन एवं १२ औं अन्तर्राष्ट्रिय एकता महाधिवेशनले नयाँ नेतृत्व चयन गर्न सुरू गरेको हो । महाधिवेशन शनिबारदेखि सुरू भएको हो । यसपटक एकताको महाधिवेशन भएकाले सहमतिको आधारमा नेतृत्व चयन गर्ने प्रयास भइरहेको छ ।

सहमति नभएमा भौतिक उपस्थिति र अनलाइन भोटिङमार्फत आइतबार बेलुकादेखि नयाँ नेतृत्व चयन गर्न मतदान गर्ने तयारी भइरहेको सचिवालयले जनाएको छ । महाधिवेशनका लागि ४ हजार दुई सय ८६ प्रतिनिधि चयन छ । तर, उनीहरू सबै महाधिवेशनस्थलमा आइपुग्न नसकेको भन्दै अनलाइन माध्यमबाट निर्वाचनमा सहभागिता जनाउन पाउनेछन् ।