काठमाडौँ — सर्वोच्च अदालतले लिखित जवाफसहित मेडिकल व्यवसायी दुर्गा प्रसाईंलाई उपस्थित गराउने आदेश दिएको छ । 

बन्दीप्रत्यक्षीकरण मुद्दामा सुनुवाइ गर्दै मंगलबार सर्वोच्चका न्यायाधीश कुमार रेग्मीको एकल इजलासले २४ घण्टाभित्र महान्यायाधिवक्ताको कार्यालयमार्फत बन्दीसहित लिखित जवाफ पेस गर्न आदेश दिएको हो । बन्दीप्रत्यक्षीकरण निवेदन सुरेश बोहराले दर्ता गराएका थिए । 

'यसमा के कसो भएको हो ? निवेदकको मागबमोजिमको आदेश किन जारी हो ? मागबमोजिमको आदेश जारी हुनु नपर्ने कुनै आधार र कारण भए सवुद प्रमाण तथा अनुसन्धानको सक्कल मिसिलसहित म्याद सूचना पाएको मितिले बाटोको म्यादबाहेक २४ (चौबीस) घण्टाभित्र महान्यायाधिवक्ताको कार्यालयमार्फत लिखित जवाफ पेस गरी बन्दीसहित उपस्थित हुनु भनी प्रस्तुत आदेश र निवेदनको प्रतिलिपि साथै राखी विपक्षीहरुको नाममा म्याद सूचना जारी गरी लिखितजवाफ परे वा अवधि नाघेपछि नियमानुसार गरी पेस गर्नू,' आदेशमा भनिएको छ ।