‘सत्तामा बसेर शक्तिको दुरुपयोग भएको छ । दोषीलाई कारबाही हुनुपर्छ ।'
काठमाडौँ — राजनीतिकर्मी सुमना श्रेष्ठले सरकारमा बसेर आन्दोलनमा दमन गर्नेलाई कारबाही हुनुपर्ने बताएकी छन् ।
मंगलबार कान्तिपुर कन्क्लेभको 'नीति, नेता र नेतृत्व' विषयक अन्तिम सत्रमा बोल्दै उनले प्रश्न गरिन्, ‘राज्यको स्रोत प्रयोग गरेर गरिएको दमनमा किन कारबाही भएन ?’
सरकारले चैत १५ गतेको तीनकुने प्रदर्शन र भदौ २३ गतेको जेनजी आन्दोलनमा दमन गरेको उनले जनाइन् । ‘सत्तामा बसेर शक्तिको दुरुपयोग भएको छ । दोषीलाई कारबाही हुनुपर्छ । जहिल्यै पुरानो बिर्सेर जाउ भन्ने हो ? कहिले पनि कारबाही भएन,' उलने भनिन् ।
२०६२/०६३ का जनआन्दोलनमा दमन गर्ने सरकारी पक्षलाई पनि कारबाही नभएको उनको भनाइ थियो । दोषीलाई कारबाही नभए दण्डहीनता बढ्ने र फेरि घटना दोहोरिने उनले टिप्पणी गरिन् ।
