काठमाडौँ — अभिनेता राजेश हमाल र अभिनेत्री रेखा थापाले ‘तारा’ चिन्हमा भोट हाल्न अपिल गरेको जस्तो देखिने एउटा तस्बिर सामाजिक सञ्जालमा भाइरल भइरहेको छ ।

भाइरल तस्बिरमा दायाँतर्फ अभिनेता हमाल छन् । उनको तस्बिरसँगै ‘हार्दिक अपिल ! राजेश हमाल भन्नुहुन्छ, “मेरो कुनै पार्टीमा संलग्नता छैन तर पनि एकचोटि फेरि ⭐ तारामा भोट हालेर प्रचण्डलाई केही समयका लागि देशको बागडोर सम्हाल्ने जिम्मा दिनुपर्छ । अहिलेको परिस्थितिमा अनुभव, संघर्ष र स्पष्ट दृष्टि भएका नेताको आवश्यकता छ, र त्यो जिम्मेवारी प्रचण्डले मात्र बहन गर्न सक्छन्”’ भन्ने सन्देश राखिएको छ।

त्यस्तै, बायाँतर्फ अभिनेत्री रेखा थापाको तस्बिर राख्दै ‘रेखा थापा भन्नुहुन्छ “म दुई हात जोडेर बिन्ती गर्छु । प्रचण्ड बा जस्ता अग्रज नेताप्रति विश्वास र सम्मान नगर्ने समाज ढोकाबिनाको घरजस्तै हुन्छ । आज देशलाई फेरि एकपटक प्रचण्ड बाको खाँचो छ”’ भन्ने लेखिएको छ।