काठमाडौँ — भन्सार छलेर ल्यापटप र मोबाइल लैजान लागेको आरोपमा दुई जना महिला पक्राउ परेका छन् ।

पक्राउ पर्नेमा मकवानपुर स्थायी घर भएकी २६ वर्षीय पूर्णिमा लामा तामाङ र रुपन्देही घर भएकी ३६ वर्षीय रोशनीकुमारी श्रेष्ठ छन् ।

विमानस्थल सुरक्षा प्रहरी कार्यालयका एसपी राजकुमार सिलवालका अनुसार, पूर्णिमाको साथबाट एउटा आइफोन, दुई वटा लेनोभो ल्यापटप बरामद गरिएको छ भने श्रेष्ठको साथबाट २ वटा आइफोन र २ वटा एप्पल वाचसहित पक्राउ गरिएको छ ।

थप कारबाहीका लागि विमानस्थल भन्सार पठाइएको बताइएको छ ।