यी हुन् कालोसूचीमा परेका र जरिवाना नतिर्ने उम्मेदवार

निर्वाचन आयोगले कर्जा सूचना केन्द्रको सूचनाका आधारमा २१ जना, निर्वाचन आयोगको जरिवाना नबुझाउने १० जना गरी ३१ जनाको नाम हटाएको छ ।

माघ १९, २०८२

कान्तिपुर संवाददाता

What you should know

निर्वाचन आयोगले विभिन्न आधारमा ७६ जना उम्मेदवारको नाम समानुपातिकको बन्दसूचीबाट हटाएको छ।
कर्जा सूचना केन्द्रको सूचनाका आधारमा २१ जना र आयोगको जरिवाना नबुझाउने १० जना सहित ३१ जनाको नाम हटाइएको हो।
कालोसूचीमा परेका उम्मेदवारहरूमध्ये विभिन्न दलका प्रतिनिधिहरू रहेका छन्।

काठमाडौँ — निर्वाचन आयोगले समानुपातिकको बन्दसूचीबाट ७६ जना उम्मेदवारको नाम हटाएको छ ।

आयोगका प्रवक्ता नारायणप्रसाद भट्टराईका अनुसार उम्मेवारविरुद्ध परेका उजुरी, उनीहरूको योग्यता र विभिन्न दलबाट आएका जानकारीसमेतलाई आधार बनाएर ७६ जनाको नाम बन्दसूचीबाट हटाएको हो ।

आयोगले कर्जा सूचना केन्द्रको सूचनाका आधारमा २१ जना, निर्वाचन आयोगको जरिवाना नबुझाउने १० जना गरी ३१ जनाको नाम हटाएको छ । त्यस्तै, प्रदेश सभाको बन्दसूचीतर्फ नाम कायम भएका २५ जना, २५ वर्ष उमेर नपुगेका चार, मतदाता नामावलीमा समावेश नभएका एक, मतदाता नामावली पिछडिएको क्षेत्रमा नरहेका दुई, महिलाको ठाउँमा पुरुष उम्मेदवारको रुपमा पेश भएका १, राजनीतिक दलबाट नाम हटाउन अनुरोध भएका १० र अन्य कारणबाट दुईजनाको नाम हटाएको छ ।