गोरखा — पूर्वप्रधानमन्त्री बाबुराम भट्टराईले संसदीय निर्वाचनमा सहभागी भएर संसद मात्र हुनु भन्दा सबैको चाहना वमोजिम अभिभावकबन्न उम्मेदवारी फिर्ता लिएको बताएका छन् ।

गोरखा क्षेत्र नम्बर २ बाट प्रतिनिधिसभा सदस्यको उम्मेदवारी फिर्ता लिएपछि सामाजिक सञ्जाल फेसबुक लाइभबाट भट्टराईले बाहिरै रहेर दलहरुलाई सघाउने बताए।

‘मुलक तीब्र आर्थिक समृद्धिको दिशामा अघि बढ्नु जरुरी छ, यस्तो अवस्थामा संसदीय निर्वाचनमा सहभागी भएर सांसद मात्र हुनु भन्दा सबै साथीको चाहना बमोजिम बाहिर रहेर दलहरुलाई  सघाउने, आवश्यक पर्दा देशको विभिन्न रुपको अभिभाव बन्नु उपयुक्त हुन्छ ठानेर उम्मेदवारी फिर्ता लिएँ,’ उनले भनेका छन् ।

आगामी दिनमा पनि राजनीतिक दल, अग्रगामी दलले चाहे अनुसार सहयोग गर्ने उनको भनाई छ । ‘अग्रगामी दलले चाहे अनुसार नै सहयोग गर्न लागिरहने प्रतिवद्धतना जनाउँछु,’ उनले भने ।