देउवा पक्षको एकतर्फी बहस भएकाले के आदेश हुनेमा चासाे रहेको छ ।
काठमाडौँ — सर्वोच्च अदालतमा नेपाली कांग्रेसको विशेष महाधिवेशनविरुद्ध परेको रिटको सुनुवाइ सकिएको छ ।
न्यायाधीश सुनीलकुमार पोखरेलको इजलासमा रिटमाथि बहस सकिएकाले केही समयपछि आदेश आउनेछ ।
शेरबहादुर देउवासमेत २ जनाको तर्फबाट सर्वोच्चमा रिट दायर भएको थियो । निर्वाचन आयोग समेतलाई विपक्षी बनाउँदै देउवा पक्ष अदालत गएको थियो ।
खम्मबहादुर खाती, रमेश बडाल, शेरबहादुर केसी, एगराज पाेखरेल र पंकज कर्ण लगायतले बहस गरेका थिए । देउवा पक्षको एकतर्फी बहस भएकाले के आदेश हुनेमा चासाे रहेको छ ।
गगन थापा–विश्वप्रकाश शर्मा पक्षले विशेष महाधिवेश गरेर नयाँ नेतृत्व चयन गरेका थिए । यसविरुद्ध विशेष महाधिवेश नै अवैधानिक भन्दै देउवा पक्ष निर्वाचन आयोग पुगेको थियो ।
आयोगले नवनिर्वाचित कार्यसमितिलाई नै वैधानिकता दिएको थियो । त्यसविरुद्ध देउवा पक्ष सर्वोच्च पुगेको हो ।
