क्षेत्र नम्बर १ मा पूर्वमन्त्री मोहनबहादुर बस्नेतको नाम चर्चामा आए पनि अन्तिम समयमा उनको नाम हटाइयो
सिन्धुपाल्चोक — नेपाली कांग्रेसले आगामी २१ फागुनमा हुने प्रतिनिधिसभा निर्वाचनका लागि सिन्धुपाल्चोकमा उम्मेदवार टुंग्याएको छ ।
कांग्रेसले प्रतिनिधिसभा निर्वाचन क्षेत्र नं. १ मा जिल्ला सभापति जंगबहादुर लामा र क्षेत्र नं. २ मा नेता वंशलाल तामाङलाई उम्मेदवार बनाएको हो ।
तामाङ कांग्रेसका पुराना नेता हुन् तथा इन्द्रावति गाउँपालिकाका पूर्वअध्यक्षसमेत हुन् । क्षेत्र नं. १ मा यसअघि पूर्वमन्त्री मोहनबहादुर बस्नेतको नाम चर्चामा आए पनि अन्तिम समयमा उनको नाम हटाइएको थियो ।
बस्नेत अघिल्लो संघीय निर्वाचनमा प्रतिनिधिसभा निर्वाचन क्षेत्र नं. २ बाट निर्वाचित भएका थिए । त्यस्तै, समानुपातिकमा सिन्धुपाल्चोकका डा. प्रेमध्वज लामा कांग्रेसको मनोनयनमा छन् ।
