उनको साबिकको निर्वाचन क्षेत्रमा भने कांग्रेसले यसपटक सचिन तिमिल्सिनालाई उम्मेदवार बनाएको छ ।
काठमाडौँ — कांग्रेस सभापति गगन थापाले साबिकको निर्वाचन क्षेत्र छाडेका छन् ।
उनी काठमाडौं-४ बाट संसदीय निर्वाचन लड्दै आएका थिए । सो क्षेत्रमा कांग्रेसले यसपटक सचिन तिमिल्सिनालाई उम्मेदवार बनाएको छ । सभापति थापा भने सर्लाही- ४ झरेका छन् ।
देशैभरको टिकट वितरणमा व्यस्त रहेका थापा सर्लाही पुग्न ढिला हुने भएपछि वारेसमार्फत उम्मेदवारी दर्ताको तयारी भइरहेको छ । उनले आफ्नो मञ्जुरीनामा पठाइसकेका छन् ।
काठमाडौं-४ बाट उम्मेदवार बनेका तिमिल्सिना युथ कंग्रेसका संस्थापक सभापति र स्थानीय बासिन्दा हुन् । उनी क्रिकेट कमेन्टेटर पनि हुन् ।
आजै मनोनयन दर्ता गरिसक्नुपर्ने भए पनि कांग्रेस केही क्षेत्रको उम्मेदवार टुंग्याउन सकेको छैन ।
